Alumnos do curso de formación, dirixido a productores de mazá de sidra, que se está a desenvolver dentro do proxecto CERNES, visitaron o sábado día 8 de xuño plantacións situadas nos concellos de Aranga (A Coruña) e Xermade (Lugo).Os asistentes puideron observar tanto as técnicas de plantación como as labores de mantemento en distintas fases das plantacións, xa que a parcela de Xermade foi plantada durante o presente ano 2013, mentres que a de Aranga plantouse no ano 2011.
Os titulares destas dúas plantacións pertencen á Asociación de Fruticultores de Galicia (AFRUGAL) e colaboran activamente na difusión do cultivo de mazá de sidra en Galicia.