AVISO FITOSANITARIO – 19 05 2022

AVISO FITOSANITARIO – 19 05 2022
 

Datos facilitados pola Consellería do Medio Rural.

MACEIRA

INCIDENCIAS FITOPATOLÓXICAS MÁIS DESTACADAS:
 
PRAGAS:
 
Verme da mazá (Cydia pomonella)
 
Este lepidóptero ataca fundamentalmente aos froitos da maceira, pereira e marmeleiro. Ocasionalmente pode atacar tamén os froitos da nogueira, castiñeiro, albaricoqueiro e ameixeira.
 
A utilización de atraintes sexuais para o seguimento do voo de adultos, a aplicación do concepto de “umbral de tolerancia”, e a confusión sexual, consigue manter a praga a niveis de danos económicamente aceptables, alterando mínimamente o equilibrio ecolóxico.
 
SINTOMATOLOXÍA
 
Maniféstase sobre os froitos. A larva entra neles e inicia a súa alimentación, expulsando os excrementos ao exterior e formando o característico serrín roxizo.
 
Xeralmente completa o seu ciclo larvario nun so froito, ainda que na primeira xeneración pode afectar a máis de un polo pequeno tamaño dos mesmos.
 
Os froitos atacados polas larvas xeralmente caen ao chan e os que permanecen na árbore non son válidos para a comercialización.
 
BIOLOXÍA
 
Pasa o inverno en forma de larva desenrolada (L5), nas fendas da árbore e tamén no chan, dentro dun casulo brancuzco. Nese refuxio hibernante permanece en diapausia ate finais do inverno.
 
A primeiros de abril comenza a súa crisalidación que dura un mes, segundo as condicións climáticas. A evolución dos machos comenza antes que as femias, ainda que finalmente se equilibra a proporción. A vida media das femias é de 10 a 20 días e a dos machos de 8 a 15 días.
 
O voo da bolboreta é crepuscular. As condicións de acoplamento danse ao atardecer con temperaturas superiores a 15 ºC e humidade relativa >60%.
 
O desenrolo embrionario completo, en condicións normais, dura entre 8 e 12 días, necesitando 48 horas para atopar o froito. Prefire entrar no froito pola zona de contacto entre dous deles, ou pola zona calicina. Permanece 30 días alimentándose na zona carpelar das tenras sementes. Pasado ese mes, sae para buscar un lugar axeitado onde crisalidar.
 
Os umbrais nas capturas en trampas sexuais de monitoreo son, na primeira xeneración, de 2-3 capturas x trampa/semana.
 
Superados os umbrais establecidos, débese actuar axeitadamente contra a primeira xeneración, o que disminuirá notablemente a segunda.
 
Este insecto, ten soamente dous estados do seu ciclo de desenrolo onde pode ser vulnerable á acción dos tratamentos químicos: En fase de ovo e de verme recén nacido (antres de entrar no froito).
 
SITUACIÓN ACTUAL EN GALICIA
 
Lembrar que para que se produzca o primeiro voo anual dos primeiros adultos debemos acadar 400 grados/día, segundo a fórmula bioclimática.
 
Dende o 1 de xaneiro até o día 9 de maio, acadáronse os seguintes grados/día nas diferentes estacións meteorolóxicas representativas para a fruticultura galega:
 

Zona	Estación	Grados/día actual	Data 400 grados/día
Mariñas Coruñesas	Mabegondo	> 400	30 - abril
Mariñas Coruñesas	Guísamo	> 400	29 - abril
Barbanza	Boiro	> 400	28 - marzo
Lugo Sur	Sarria	> 400	9 - maio

 
Acadamos os 400 grados/día en todas as estacións. As outras condicións para a aplicación dos tratamentos é a existencia de dúas capturas de adultos/trampa x semana, comenzando a contar grados/día cando a temperatura crepuscular (temperatura do ocaso + 2 horas) sexa maior a 15’5 ºC durante dous días seguidos.
 
Os dous días consecutivos cunha temperatura crepuscular superior a 15,5 ºC foron acadados únicamente na estación de monitoreo de Guísamo (Mariñas Coruñesas).
 
As trampas de monitoreo foron colocadas na semana 17 (do 25 ao 30 de abril).
 
As primeiras dúas capturas, tiveron lugar ao longo desta semana nalgunhas das estacións que se detallan na seguinte táboa.
 
Táboa de capturas
 

Zona	Estación monitoreo	Capturas semanáis 11/05/2022	Capturas semanáis 18/05/2022
Mariñas Coruñesas	Aranga	-	3
Mariñas Coruñesas	Bergondo	11	7
Mariñas Coruñesas	Sada	-	15
Bergantiños	A Laracha	0	0
Barbanza	Boiro	3	0
Lugo Sur	Sarria	0	0

 
 
 
Táboa de condicións para o ataque da 1ª xeneración de C. pomonella

Zona	Estación monitoreo	Data 400 grados/día	Data primeiras 2 capturas	Data Tª crepuscular	Data ovicida	Data larvicida
Mariñas Coruñesas	Abegondo	30 - abril	02/05	15/05	¿25-27 de maio?	¿?
Mariñas Coruñesas	Aranga	30 - abril	02/05	15/05	¿25-27 de maio?	¿?
Mariñas Coruñesas	Bergondo	29 - abril	02/05	08/05	17/05	¿20-22 de maio?
Mariñas Coruñesas	Sada	29 - abril	02/05	08/05	17/05	¿20-22 de maio?
Barbanza	Boiro	28 - marzo	09/05	10/05	18/05	¿22-24 de maio?
Bergantiños	Laracha	18 - abril
Lugo Sur	Sarria	9 - maio	--	--	--	--

 
Debemos destacar a importancia do clima no desenvolvemento das pragas.
 
RECOMENDACIÓNS:
 
Maceiras de sidra e mesa
 
Nas estacións de monitoreo de Bergondo, Sada, en función das temperaturas dos próximos días, teremos que dar un tratamento insecticida (larvicida) nas datas comprendidas entre o 20 e o 22 de maio. No caso de Boiro, este tratamento debe facerse entre o 22 e o 24 de maio.
 
Estas estacións corresponden ás zonas xeográficas de Mariñas Coruñesas e Barbanza.

RECOMENDACIÓNS DOS TÉCNICOS DE AFRUGAL

Agricultura ecolóxica:

Insecticida - Virus da granulopse da Carpocapsa, Spinosad ou Bacillus thuringiensis.

Producción integrada:

Insecticida - Clorantraniliprol.
 
OBSERVACIÓNS
 
·         Estase a ver un adianto xeralizado no voo deste lepidóptero nos últimos anos. Estamos tendo capturas a fináis do mes de abril na maioría das zonas de Galicia.
·         Importante, atender á primeira xeneración deste insecto, por ser a máis perigosa das dúas que ten. Debemos de empregar contra ella produtos de carácter ovicida ou ovicida-larvicida.
·         A confusión sexual está a dar bo resultado, como método preventivo.
·         O nacemento das primeiras larvas comunicarase mediante o correspondente aviso fitosanitario.
 
GALERÍA DE IMAXES
Danos por verme da mazá (C. pomonella)

Informe fitosanitario 11/4/2022

 Publicado un novo informe fitosanitario, que podedes consultar no seguinte enlace:

https://fruticultoresgalicia.blogspot.com/p/informes-fitosanitarios-2022.html

RECOMENDACIÓNS:

 

Maceiras de sidra e mesa

En maceiras de sidra que estén en estado fenolóxico igual ou anterior a C-C3 (orella de rato), podemos aplicar un tratamento funxicida a base de cobre que ten como finalidade previr os ataques de fungos cando a xema está a hincharse.

En maceiras que superen o estado fenolóxico C-C3 e até o estado de botón rosa (E2-F), é imprescindible un tratamento preventivo cun funxicida de contacto, mellor que un funxicida sistémico, xa que no estado actual das maceiras, temos pouco desenrolo vexetativo, o que perxudica a absorción do mesmo. Este funxicida de contacto, pode ir unido a un insecticida que controlaría o ataque do pulgón cincento e o pulgón verde

En maceiras en floración, debemos respectar esta época sen tratamentos a fin de protexer a actividade das abellas e demáis insectos polinizadores.

Recoméndase alternar as materias activas usadas para evitar problemas de resistencia.

 

OBSERVACIÓNS

HORAS-FRIO 

As xemas, para sair do repouso necesitan unha cantidade específica de frío invernal que restaure a capacidade da xema para hincharse e medrar. Temperaturas por debaixo de 7ºC son as efectivas.

Polo tanto, a duración media de repouso dunha determinade especie denomínase “necesidades de frío”.

Este ano acadamos en casi todas as estacións a cantidade necesaria de horas-frío, agás algunhas zonas como as Mariñas Coruñesas (próximas ao mar), polo que os síntomas que imos atopar nestas zonas serán: floración escalonada, perda de xemas, e polo tanto disminución da colleita.

Este desaxuste na floración provoca dificultade na polinización e que os froitos sexan de tamaño máis pequeño.

 

GALERÍA DE IMAXES

Estados fenolóxicos da maceira según Fleckinger

INFORME FITOSANITARIO 30/08/2021

INFORME FITOSANITARIO 30/08/2021

Datos ofrecidos pola Consellería do Medio Rural (Xunta de Galicia)

RECOMENDACIÓNS:

 Maceiras de sidra e mesa

 As condicións meteorolóxicas cambiantes, con presencia de humidade relativa alta debido às chuvias, xunto con brétemas e orballo, abócanos a unha situación de perigo respecto dos fungos (moteado, monilia e oidio), polo que se recomenda un tratamento a base dun funxicida de contacto (infeccións secundarias) que pode ir unido a un insecticida.

O feito de ter superado o umbral de tolerancia, 1-2 capturas trampa/semana do verme da mazá (C. pomonella),  nas estacións de monitoreo de A Mariña Luguesa (provincia de Lugo), As Mariñas da Coruña e Ortegal (provincia da Coruña) e A Estrada (Pontevedra), fai necesaria a aplicación dun tratamento insecticida-larvicida para esta praga que está comenzando a segunda e última xeneración.

 Este tratamento tamén terá eficacia contra a larva da Broca, sobre todo nas comarcas de Guntín (Lugo) e A Estrada (Pontevedra).

 Para acadar boa actividade insecticida, compre efectuar a aplicación antes do nacemento das larvas, requerindo un coñecemento exacto do estado evolutivo da praga en cada parcela.

 Non obstante, debemos recordar que naquelas plantacións de mazá de mesa (patróns EM-9), nas que teñamos presenza de Aphelinus mali, evitaremos tratamentos insecticidas para respectar a súa actividade contra o pulgón laníxero. Nas plantacións de mazá de sidra, non se nos da esta problemática polo emprego de patróns resitentes a esta praga.

 É preciso recalcar, que debemos ter en conta a duración da efectividade do producto usado, segundo actuemos en agricultura convencional, integrada ou ecolóxica, xa que o tempo que debe transcorrer entre tratamentos é distinto. Podendo suceder que un tratamento nunha semana cubra a súa efectividade durante dúas máis.

Así en agricultura convencional e integrada, en xeral, os insecticidas usados teñen una duración da efectividade entre 15/21 días mentres que en agricultura ecolóxica é de 7/10 días (virus da granulopse da carpocapsa).

 Recoméndase:

·         Alternar materias activas co fin de evitar a aparición de resistencias.

·         Alternar substancias con diferente modo de acción.

·         Cumplir co número máximo de aplicacións que ten autorizadas cada produto.

·         Respectar com rigor os prazos de seguridade.

RECOMENACIÓNS DOS TÉCNICOS DE AFRUGAL 

 Agricultura Ecolóxica

Larvicida (verme da mazá): Virus da granulopse da Carpocapsa, Bacillus Thuringiensis ou Spinosad.

Funxicida de contacto: Polisulfuro de calcio.

Produción Integrada

Ovo-larvicida (verme da mazá): Clorantraniliprol.

Funxicida de contacto: Captan.

Recolección:  Estanse a recoller as variedades de mesa Antares, Grupo Gala e Grupo Elstar.

 Os criterios para levar a cabo unha recolección óptima poden ser de:

·          Natureza química

o   contido en almidón (método I/IK)

o   azúcares solubles (º Brix)

·          Natureza física

o   Cor

o   Firmeza (penetrómetro)

 GALERÍA DE IMAXES

 

Pulgón laníxero parasitado (momias)

 Larvas e danos de Rhagoletis completa en noces (Agosto-Bergondo)