Recomendacións:
Para dar por rematada a
campaña de avisos fitosanitarios, unha vez recollidas as distintas variedades,
tanto de mesa como de sidra, debemos realizar un tratamento de outono.
A caída fisiolóxica das
follas produce pequenas lesións que poden ser a vía de entrada na planta de distintas
enfermidades. Por iso, as aplicacións con produtos cúpricos, durante esta
época, son recomendables para favorecer a súa cicatrización evitando infeccións
producidas por fungos.
Ademáis, estes produtos
pretenden reducir as formas invernantes de fungos e bacterias que se asentan de
maneira epífita no exterior das árbores.
No caso das froiteiras de
pebida (maceiras e pereiras), o tratamento pode ser eficaz para atenuar os
danos que na próxima campaña pode ocasionar a bacteria causante do “fuego
bacteriano”, e fungos que producen enfermidades fúnxicas como moteado,
septoria...
Por todo isto, é
recomendable utilizar compostos de cobre, realizando 1 ou 2 tratamentos durante
a caída da folla.
- Facer dúas aplicacións con
produtos cúpricos:
- Co 50% das follas caídas.
- Co 100% das follas caídas.
- Facer unha sóa aplicación,
co 75% de defoliación.
Os compostos de cobre teñen
restriccións importantes nas condicións de uso. Debe prestarse atención a:
·
Os cultivos sobre os que se pode aplicar cada formulado.
·
O período de tempo no que pode facerse.
·
Prazo de seguridade.
·
Dose.
·
Cantidade máxima de cobre que se pode empregar por hectárea e ano.
Compre respectar as
indicacións da etiqueta e comprobar a folla de rexistro (Ministerio de
Agricultura, Pesca e Alimentación).
MATERIAS ACTIVAS CÚPRICAS AUTORIZADAS EN FROITEIRAS DE
PEBIDA
|
MATERIA ACTIVA
|
CONCENTRACIÓNS (%) E
FORMULACIÓNS
|
AUTORIZACIÓNS
|
|
Hidróxido cúprico
|
50WP
|
Froiteiras
de pebida e oso.
|
|
50WG
|
Froiteiras
de pebida.
|
|
|
30WG
|
Maceiras
|
|
|
20WG, 25WG, 35WG, 40
WG,
|
Froiteiras de pebida e
oso.
|
|
|
Oxicloruro de cobre
|
25WG, 30WP, 37’5WG,
38SC, 50WG, 50WP, 52SC, 70SC.
|
Froiteiras
de pebida e oso.
|
|
Hidróxido cúprico +
Oxicloruro de cobre
|
(13,6+13,6) SC
|
Froiteiras de pebida e
oso.
|
|
Óxido cuproso
|
50WP, 75WG
|
Maceiras,
pereiras e froiteiras de oso.
|
|
Sulfato cuprocálcico
|
12’4SC, 20WG, 20WP
|
Froiteiras de pebida e
oso.
|
SC: Suspensión concentrada
WG: Granulado dispersable
WP: Pó mollable